自己弱智篇
除咗俾人老點之外，其實有陣都可能會傻下傻下，以為自己諗法冇問題，實情係做錯決定。即刻黎睇下自己有冇犯到以下常見既諗法盲點啦！
一、意外發生後被即時被沒收車cam片 其實刑事案件(包括交通意外案件)舉證責任係係控方身上，司機本身並無責任去主動提交任何證據，除非你係受害既一方，願意去協助警察。警察向司機索取車cam片無可厚非，但司機本身亦可以向警察表示想自己睇睇先，再決定要唔要將車cam交俾警方，所以唔存在一定必須要將車cam片交俾警方呢樣野。
二、周圍係社交平台post車cam片 將車cam片post係社交平上台面，基本上自己已經冇左保密權益。其實一單交通意外好少情況會出現一方完全啱晒，而另一方完全錯晒既情況出現，所以將車cam片公開其實係會損害自己既利益。有刑事成分既案件盡量低調處理係會比較合適。
三、搞唔清楚發票同收據既分別，堅持唔要收據 發票只係報價，司機可以向唔同公司拎好多唔同既發票報價，但收據係證明你已經俾左錢，如果冇辦法提供收據，就唔能夠證明你係真金白銀俾左錢，所以保險公司都係傾向要求司機提供收據作為證據。而當你唔能夠提供收據既時候，保險公司就會有較大機會或者有更強既理據去降低賠償金額。
四、自我感覺良好，講一堆唔合理既解釋覺得賠償一方會相信，無視對自己不利既因素 通常律師同司機講保險公司提出既一啲質疑，例如：發現司機之前曾經發生過交通意外，又或者係見到病假期間仍然有收入等，都係希望同司機一齊商討對策，或者研究有冇其他證據可以幫到司機。但如果司機只係俾出一堆唔合理既解釋，又或者當冇事發生，其實壞處都一定係司機身上，呢類案件多數都無辦法和解。
五、搵唔知邊個親戚搭路問咗認識既交通警 通常律師都唔會參考呢類朋友、親戚又或交通警既意見，只會睇證據。因為唔同警區做法都可能會有些微差異，除非係負責案件既警員，否則問其他任何人意見既意義都不大。
如果想知道更多自己既權益同更多索償細節，歡迎聯絡我地以便提供更詳細既法律意見。
免費諮詢熱線: 68211136
Comments