搜尋
kiorayan
發生交通意外時冇佩戴安全帶嘅後果
無論你係司機抑或係乘客，喺開車時佩戴好安全帶，都係上車第一件應該要做嘅事。但係好多人都會缺乏呢種安全意識，導致發生意外嘅時候引致自己身體嚴重受傷。除此之外，如果你想喺意外後申請索償，冇佩戴安全帶亦都會直接影響你嘅索償金額。
喺涉及交通意外嘅案件中，如果受害人提出民事訴訟，對方保險公司往往會考慮到向佢地提出索償嘅傷者喺意外中有否正確地佩戴好安全帶。假如有證據證明到司機或者乘客喺交通意外發生時冇佩戴好安全帶嘅話，保險公司可以向傷者提出「共分疏忽」(Contributory Negligence)嘅指控。
喺「共分疏忽」嘅原則下，保險公司可以對傷者一項反建議，就係需要接受減少一定比例嘅賠償金額，以反映佢嘅行為或者過失所造成對佢本身嘅損失及傷害需要負上責任。換句話講，索償人冇佩戴好安全帶嘅話，意味住佢對自己嘅傷勢都需要負上一定百分比嘅責任，而賠償金額亦會相應地減少。
而法庭亦都會考慮索償人喺責任中嘅比例。通常法庭會考慮專家嘅調查所獲得嘅證據以協助作為評估。喺香港曾經有案例係法庭裁定意外中嘅傷者未有佩戴好安全帶，而有專家證據指出，假如該名傷者有佩戴好安全帶嘅話，傷勢未必會呾嚴重。結果法庭裁定該傷者需要為佢嘅傷勢承擔「共分疏忽」嘅責任；至於責任百分比的折扣，就係等於賠償金額百分比嘅折扣。
如果想知道更多自己嘅權益同更多索償細節，歡迎聯絡我地以便提供更詳細嘅法律意見。
http://www.852caraccident.com
免費諮詢熱線☎️: 6821 1136
Comentarios