搜尋
kiorayan
發生交通意外後要注意啲咩？
香港人多車多，交通意外真係家常便飯。假如一旦唔好彩遇上交通意外，司機應該點樣處理？又有咩嘢注意事項？以下四大重點你一定要知！
1. 報警
根據香港法例，如果交通意外中有人受傷又或者有公物損毁，司機就需要報警。如你真係咁不幸遇上交通意外，首先應該立即停定車輛，保持鎮定同埋盡快報警求助，亦唔好移動車輛。如果情況許可嘅話，最好影低意外現場情況同埋車輛損毀情況作為紀錄，有需要嘅話亦可以提供俾警方作調查之用。
2. 睇醫生
如果意外後有受傷，應盡量保持冷靜等待救護人員到場，並且向救護人員清楚說明受傷嘅位置，再視乎傷勢決定係咪需要送院作進一步檢驗。但假如意外發生當下誤認為自己冇受傷，但其後覺得身體不適，就應該立即前往醫院/診所求診，並且同醫生講清楚受傷詳情(例如：意外日期，意外經過等)，並且將所有醫療收據同埋醫療文件(例如病假紙/覆診紙)保存妥當。
3. 報保險
交通意外發生後，為咗保障你嘅法律權益，司機或者登記車主係意外後需要即時通知汽車保險公司。如果冇及時申報，保險公司有可能唔會受理同埋唔會作出任何賠償。
4. 搵律師
意外發生後對方司機有可能會提出“私了”。但係鑑於傷勢或者其他損失好難可以當下即時自行作出合理評估，所以為免損害自身嘅權益，切記唔好私自同意和解協議或者簽署任何和解協議文件，應盡快搵律師諮詢專業法律意見。
如果想知道更多自己嘅權益同更多索償細節，歡迎聯絡我地以便提供更詳細嘅法律意見。
免費諮詢熱線☎️: 6821 1136
Kommentare