朋友老點篇(下)
六、 你搞索償佢嗰個司機冇錢賠㗎喎
其實向對方司機索償係由對方保險公司負責賠償，我哋索償一般都唔希望係由司機賠償，因為如果由司機自己賠償嘅話，佢哋都未必有足夠嘅錢。即使對方冇買保險，部分項目我哋仍然可以透過汽車保險局索償。
七、對方醉酒駕駛唔賠，可以放棄㗎啦
所有第三者保險保單其實都受相關規矩監管，即使對方司機有任何保單上違反條款嘅問題、例如無牌駕駛、醉酒駕駛、唔記得買牌費等等，保險公司都應該先行作出賠償。當然整個程序會複雜咗，但係一般傷者索償都會得到保障。但係當然任何車輛嘅損毁，就的確係未必獲得賠償。
八、你索償玩三五七年
只要對方司機有申報保險，多數案件都係可以庭外和解，或者更快嘅話可以雙方律師（或者保險公司）直接信件溝通處理，最緊要係要求合理，好多保險公司都會係考慮完文件後作出盡快嘅賠償。索償進度緩慢有可能係雙方代表律師工作緩慢、或者要求賠償數字離晒譜、沒有申報保險等等呢啲問題導致。
九、你個case起碼可以追一百幾十萬，我同你搞啦
賠償金額當然係越多越好，但係大家去到現有知識水平，資訊亦都開放嘅時間，應該知道乜嘢係合理賠償。如果有人誇下海口，你不妨叫佢計條數出嚟，否則好多情況都係高開低收，純粹氹咗傷者簽名，然後以好多理由藉口話最後條數冇咗多。倒不如搵一個實事求事嘅人幫手。因為胡亂咁將個數唔合理地推高，保險公司係唔會作出賠償，又或者會減慢賠償進度。
十、醫生梗係有幾耐就睇幾耐啦
基本上係應該由傷勢嚴重程度去到決定病假多久，唔係睇幾耐醫生就申請幾耐病假。除非嚴重受傷，否則超過半年嘅病假，保險公司一般都已經唔會相信病假嘅合理性，而且通常就係一啲唔合理嘅病假，或者係一啲錯誤嘅法律意見，會令到案件嚴重拖長。
如果想知道更多自己既權益同更多索償細節，歡迎聯絡我地以便提供更詳細既法律意見。
http://www.852caraccident.com
免費諮詢熱線☎️: 68211136
Comments