搜尋
kiorayan
收入損失點計算？
喺追討人身傷亡賠償中，賠償嘅項目大致分為痛苦賠償(PSLA)、收入損失以及專項損害賠償三種，而收入損失應該係最常聽到嘅一種，但係你又知唔知究竟收入損失包啲咩？又係點計算出嚟㗎呢？
其實收入損失主要分為審訊前嘅收入損失同埋將來收入損失。
一般而言，如果傷者希望追討收入損失，就需要證明佢喺意外後嘅收入係低於意外前嘅收入。喺評估傷者意外前嘅收入損失時會參考傷者喺意外前12個月嘅平均收入 (例如糧單、銀行紀錄、報稅資料及或其他反映入息証明文件)。
當然，唔同工種會有唔同嘅出糧方式，例如的士司機或者地盤工人大多數係以現金形式出糧，有時並冇辦法提供齊全嘅糧單。如果冇一般客觀嘅薪金証明，一般都會參考同一職業嘅平均收入去評估。除此之外，亦會參考政府統計處嘅工資統計嚟評估傷者嘅平均收入。
另外，如傷者希望申索將來收入損失，就需要證明自己因為意外造成嘅傷勢而唔能夠再從事意外前嘅工作岡位，從而導致收入下降以及損失。
如果情況需要，傷者亦都可以透過醫學專家報告去評估傷勢情況，專家醫生會提供意見從而評估傷者係咪唔能夠又或者返回意外前工作岡位會有困難。例如，傷者因為痛楚局限唔能夠長時間工作又或者只可以任職收入較低的工作，傷者就可以根據意外前以及意外後嘅收入差距作出追討。
如果想知道更多自己嘅權益同更多索償細節，歡迎聯絡我地以便提供更詳細嘅法律意見。
免費諮詢熱線☎️: 6821 1136
Comments