搜尋
如果喺訴訟期間原告人突然身故，原告人嘅家屬可以點做？
如果原告人喺民事訴訟期間不幸身故，咁進行中嘅訴訟就會被即時暫停，而原告人嘅家屬應該盡快同原告人嘅代表律師聯絡。原告人家屬需要將原告人嘅死亡證副本交予律師行，以便負責原告人案件嘅律師可以及時通知對方又或者法庭進行後續處理。
另外一方面，原告人嘅家屬可以透過原告人嘅代表律師，又或者自行向高等法院嘅遺產承辦處入紙申請承辦原告人嘅遺產。
承辦原告人嘅遺產首先要睇下原告人有否有立遺囑：若果已經立咗遺囑嘅話，就可以向高等法院嘅遺產承辦處入紙申請遺囑認證書；但如果原告人冇立遺囑嘅話，其家屬可以向香港高等法院嘅遺產承辦處入紙申請遺產管理書。
獲得高等法院的頒令後，原告人死者家屬會獲得由高等法院發出嘅遺囑認證書或者遺產管理書，家屬應該盡快將遺囑認證書或遺產管理書送交原告人嘅代表律師，以便律師向法庭申請命令，之後就可以由執行原告人遺產嘅遺產管理人代替原告人繼續進行訴訟程序。
而整個訴訟程序或多或少都會因為原告人中途不幸身故而有所延誤：例如要收集相關文件(例如死亡證、遺囑、結婚證書或銀行保管箱的資料等)，確認死者有冇擁有外地嘅物業或者資產，死者係咪同時擁有外國國籍，又或者如果遺產繼承人出現爭議等等，都會影響到訴訟嘅進度。
如果想知道更多自己嘅權益同更多索償細節，歡迎聯絡我地以便提供更詳細嘅法律意見。
http://www.852caraccident.com
免費諮詢熱線☎️ : 6821 1136
Comments