搜尋
kiorayan
奪命意外點樣申索？
假如不幸由於人為嘅疏忽而造成身故意外，死者家屬係可以透過民事訴訟向涉事司機追討賠償。根據《致命意外條例》，受死者供養嘅家人(例如其配偶、子女、父母等) 都可以向因為疏忽引致意外嘅一方申索佢失去受供養嘅損失，同埋親屬喪亡之痛嘅損害賠償。親屬喪亡之痛嘅損害賠償係定額賠償，金額會參考甲類消費物價指數不定期作出調整，而現時嘅賠償金額係2020年調整嘅港幣$231,000.00。
假如疏忽意外中嘅死者生前從事有收入嘅工作，而且係意外後冇即時身亡，而係經醫療救治一段時間之後先去世嘅話，死者嘅遺產管理人可以代表死者嘅遺產向疏忽引致意外嘅一方申索死者係意外後直至死亡呢段時間嘅痛苦賠償、收入損失、醫藥費以及之後嘅殮葬費用。如果死者生前係有儲蓄習慣嘅話，遺產管理人亦都可以幫死者嘅遺產申索失去積聚財富嘅損失。
如果想知道更多自己既權益同更多索償細節，歡迎聯絡我地以便提供更詳細既法律意見。
免費諮詢熱線☎️: 6821 1136
Comments