嚇窒語錄篇（上）

相信唔少第一次遇到交通意外既朋友，都會因為唔熟悉流程而好容易被嚇窒，導致唔敢去申請索償。而家就等我哋為你解答最多客人遇到嘅”嚇窒語錄”，令你可以更加清楚自己嘅權利，保障自己嘅權益。

一、唔睇公立醫生冇得賠㗎喎

其實註冊西醫、中醫係相關法律上都係可以接受嘅，而且冇硬性規定所有人士都必須需要去急症室睇醫生。

二、你咁遲先至報警，保險有機會唔賠㗎喎，過咗10日告唔到對方㗎喎

保險賠償同報警沒有直接關係，只需要證明對方駕駛疏忽，即使有人為錯誤，遲咗報警，仍然可以索償成功。另外有六個月檢控期，基本上六個月之內可以落到口供嘅話，警察仍然要作出檢控。

三、冇車cam告唔入架

警察有責任從相片、環境分析重組案發情形，並作出合理檢控決定，所以應該向警察表明你要作出舉報同埋投訴。

五、隔咗咁耐先睇醫生，冇人信㗎

其實只需要證明傷勢係由意外導致，就沒有規定必須睇醫生嘅期限，一般來講甚至受傷後一個月先睇醫生，亦都有機會證明受傷係意外引致。