搜尋
kiorayan
喺疏忽索償案件中，幾時先會入稟法庭展開訴訟？
喺入稟法庭之前，申索人一方嘅律師會先向被告人一方發出申索信，一般嚟講，之後可能會發生三種情況：
其一，被告人一方完全唔作出任何回覆。如果喺申索人向被告人指明嘅一段時間內，被告人一方或者佢嘅保險公司唔作出任何回覆或者建設性答覆，申索人就有權即時展開訴訟，將案件入稟法庭展開訴訟。
其二，雙方冇辦法就和解達成共識。如果被告人喺指明時間內有作出建設性答覆，雙方就可以開始商討和解，同埋互相披露有關嘅資料同文件。但如果最後都係唔能夠達成和解，申索人一方亦可都選擇立即展開訴訟，將案件入稟法庭展開訴訟。
其三，案件嘅申索時限即將到期。人身傷害嘅申索時限一般係由意外發生日期起計3年，即喺申索人需要喺3年內提出申索同埋展開訴訟。有些時候申索人喺發生意外後，唔係即時知道自身擁有追討嘅權利，但當他申索人知道佢嘅追討權利嘅時候可能已經就到3年嘅期限。所以為咗保障自身嘅權益，申索人一方有權即時將案件入稟法庭展開訴訟。
如果想知道更多自己嘅權益同更多索償細節，歡迎聯絡我地以便提供更詳細嘅法律意見。
免費諮詢熱線☎️: 6821 1136
Yorumlar