搜尋
kiorayan
咩係分擔責任？喺咩情況下需要分擔責任？
其實一般喺交通意外發生後，如果涉事司機被檢控及定罪嘅話，受害人係可以用相關嘅判決去證明該名涉事司機嘅責任。不過喺某啲特定嘅情況下，雖然涉事司機仍然需要對受害人作出賠償，但因為受害人喺意外中都有涉及疏忽，所以就需要扣減部份應得嘅賠償金以反映受害人嘅分擔責任。
常見嘅例子有受害人冇喺安全情況下橫過馬路，例如受害人喺過馬路前冇確認交通情況、冇依照交通燈號誌過馬路、又或者跨過馬路旁嘅欄杆過馬路等等。而另一個常見嘅例子就係受害人喺發生交通意外嘅時候冇佩戴安全帶，而受害人嘅傷勢亦都與冇佩戴安全帶有關。如果出現上述嘅情況，咁受害人嘅賠償金額就可能會因為自身嘅疏忽而被扣減。
判斷分擔責任嘅多與少要視乎每單意外嘅案情而定，一般而言受害人嘅行為越危險，需要負上嘅分擔責任就越高。如果有證據顯示受害人應該為自己嘅傷勢負上大部份責任，咁佢嘅分擔責任甚至有可能比涉事司機所需要負上嘅責任仲要高。
如果想知道更多自己既權益同更多索償細節，歡迎聯絡我地以便提供更詳細既法律意見。
http://www.852caraccident.com
免費諮詢熱線☎️: 6821 1136
Comments