搜尋
kiorayan
何謂「踢保」？如果對方保險公司「踢保」我仲可唔可以索償？
乜野係「踢保」？大多數汽車第三者保險嘅保單都會列明「除外條款」， 例如涉事司機無牌駕駛、醉酒駕駛又或者受藥物影響後駕駛等，喺上述情況下保險公司就有可能會以違反保單條款為理由，拒絕承擔賠償，亦即係俗稱嘅「踢保」。
咁如果咁唔好彩喺發生交通意外後，索償時先知道對方涉事司機承保第三者責任保險嘅保險公司「踢保」的話，自己仲係咪可以遁民事訴訟途徑成功索取賠償金額呢？答案係可以嘅。即使對方涉事司機嘅保險公司「踢保」，受害人仍然可以根據第272章汽車保險（第三者風險）條例的第10節，先就其人身傷害方面獲得保險公司賠償。
至於因交通意外而引致受害人嘅財物﹝例如: 車輛維修費用、拖車費用、因意外損壞嘅手提電話等等﹞有所損失嘅話，涉事司機嘅保險公司就唔會受理，意即受害人需要直接向涉事司機進行民事訴訟程序索償。若果索償金額少於港幣$75,000嘅話，受害人需要經小額錢債審裁處向涉事司機直接追討。但若果賠償金額係多過或者等於港幣$75,000嘅話，受害人嘅財物索償方面就可以經由區域法院處理。
如果想知道更多自己既權益同更多索償細節，歡迎聯絡我地以便提供更詳細既法律意見。
http://www.852caraccident.com
免費諮詢熱線☎️ : 6821 1136
Comments